· 

Nu(h)r Satire?

I hon mi heit auf Twitter rumtriaba, anstatt mi mit dem Thema Mord und Totschlag zu beschäftiga und bin do zufällig über an Kommentar von jemand gstolpert. Es ging um an Sketch/Kommentar von dem Herrn Nuhr. Der der so ab und an amol so Satire macht. I wois leider it, wann genau, der Sketch aufgnomma worda isch. Aber i fands dann doch interessant.

Des Thema "Alltagsrassismus" isch eh kritisch, weil es scho oft so isch, dass ma selber gar it merkt, wenn ma jemand oder jefrau auf die Fiass daptt.  Und au i bin it umbedingt jemand, der do immer so sensibel reagiert, wie se sott.

Nu(h)r, was mi do so geärgert hot, war dass i den Eindruck gwonna hon, dass der Ma it amol guckt hot, wo des Buch rauskomma isch und wer des gschriaba hot.

Normalerweis, ärger i mi im stilla Kämmerle driaber, ess a Packung Schokolad und halt mei Gosch. Aber diesmol hon i mir denkt, i schreib mol an dia ARD Leit.  Im Twitter hon i dann im Impressum den BR gfunda als Email adress und hon dene mol gschriaba, mit der Bitte, des dann weiter zu leita. Weil i it wois, ob die Schwäbisch kennat, hon i den Brieaf in Deitsch gschriaba. Falls es jemand interessiert: So schaugt der aus.

Wer gnau na schaut, merkt, dass i es wieder mol gschafft hon, so a baar Fehler standa zum lossa.

Schad. Aber so isch es halt. Aber i bin jo au Pseudointelligent.

:)

Kommentar schreiben

Kommentare: 0