· 

Dia Spinnat doch alle!

Bild v Manfred Steger/Pixabay.com
Bild v Manfred Steger/Pixabay.com

Do hot des oberste Verwaltungsgericht  gsagt, die Demo darf so stattfinda: Zentral in Leipzig und die Demonstranta sollat sich brav an die Auflaga halta.

Scho luschtig: Hont dia Richter wirklich denkt, dass Leit, die gega Auflaga, wia Maska demonstrierat, sich nachat brav an die Auflaga halta werdat?

Jetzt schimpft dia Presse und wahrscheinlich au dia Richter auf die Polizei, weil di it eigriffa hot bei 20.000 Leit, die it gfolgat hont.

Mol ehrlich: Wia hättet di des macha solla? Hättat se Wasserwerfer eigsetzt und Pfefferspray, hättat wieder welche gmaulat, wega Polizeigewalt. Und gholfa hätts eh nix, denn dann wär da Punk no meh abganga, denk i mir.

Di Politker schimpfat, und alle schreiat. Aber so langsam verstand i au die Männer in Blau.

Dia Richter, dia do dafiar gsorgt hont, dass des mitta in Leipzig passiera ka, sind do scho eher zum schimpfa. A bissle ausserhalb hätt ma dia Leit jo au demonstriera lassa kenna. Do het sich dees au a bissle verteilt. I bin sehr fiar perseenliche Freiheit und Demokratie. Aber au dafiar, ab und an a mol sei perseenliche Befindlichkeit a bissle zurückzustecka und it immer glei afanga zum schreia, wenns oim mol it passt.

Manchmol... do isch Justizia it blos blind, ...

Kommentar schreiben

Kommentare: 0